"საერთაშორისო გამჭვირვალობა" - ანაკლიის პორტს საეჭვო რეპუტაციის ჩინური კომპანია ააშენებს

საგარეო კურსის ცვლილების გაგრძელებად მიიჩნევენ სპეციალისტები ანაკლიაში ამერიკისგან სანქცირებული ჩინური კომპანიის შემოყვანას. გეოპოლიტიკურ საკითხთან ერთად, საერთაშორისო გამჭვირვალობის შეფასებით, ჩინური კონსორციუმი გამორჩეულია კორუფციული სკანდალებით, რაც ზრდის კორუფციის შემოტანის საფრთხე. მოსალოდნელი რისკების შესახებ საქართველო ამერიკის სახელმწიფო დეპარტამენტმაც გააფრთხილა. ჩინური კომპანია სახაზინო დეპარტამენტის სპეციალურ სიაშია შეყვანილი. მას ეკრძალება ამერიკული წარმოების კომპონენტების შეძენა ამერიკის მთავრობის ნებართვის გარეშე.